2017 жылдың 17 қарашасы күні «Алаш Орда» үкіметінің құрылғанына 100 жыл толуына орай «Алаш Орда»: ұлттық идея және дін мәселелері» атты республикалық ғылыми конференция ұйымдастырады. 

Конференцияның мақсаты – Абай, Шәкәрім, Мәшһүр-Жүсіп Көпеев бастап Әлихан, Міржақып, Ахмет тәрізді Алаш қайраткерлерінің ұлттық идея және дін мәселелері жайындағы ой-толғамдарын ортаға салу, ғалымдардың қатысуымен талқыға салу. Алаштықтар ұлттық идея арқылы қазақты оятып, ұлттық мемлекет құру мәселесін қойды, әлемдік өркениетке кірігудің жолдары мен шарттарын қарастырды. Олар жастардың сапалы білім алып, кәсіп игеру, бай-бақуатты болуын аңсады. Сол өзекті мәселелер арада бір ғасыр уақыт өтсе де сол қалпында маңызды болып қалып отыр. 

КОНФЕРЕНЦИЯНЫҢ НЕГІЗГІ МӘСЕЛЕЛЕРІ МЕН БАҒЫТТАРЫ:
- Алаш идеясының мәні және қалыптасу кезеңі; 
- Алашордалықтардың ұлттық идея және дін мәселесіндегі ұстанымдары; 
- Алашидеяларының бүгінгі күнмен тарихи сабақтастығы. 

Ұйымдастыру комитеті тақырыпқа және рәсімдеу талабына сай емес материалдарды қабылдамауға құқылы. Материалдар тек авторлық нұсқада жарияланады, мақаладағы деректерге авторлар өздері жауапты. 

Ғылыми материалдарды 2017 жылдың 1 қарашасына дейін жіберулерулеріңізді сұраймыз. Мақала 10 беттен аспауы тиіс. Ғылыми мақалаларды сараптауға, ғылыми жинақты алдын ала шығаруға қосымша уақыт қажет. Конференцияға өзге аймақтардан қатысудың жолақы, жатын орын т.б. шығындарды қатысушы тараптың өзі көтереді. Тек арнайы қонақтар мен үздік ғылыми материалдардың авторларына конференцияға келіп-кету жолақысы төленетін болады. 

Өтетін орын: Алматы қаласы, ҚР Ұлттық кітапханасы, Абай даңғылы 14.
Өтетін уақыт: 17 қараша, 2017 жыл.
Басталуы: сағ. 10:00.
Байланыс: +77022702102, +77072702102