Г. Хугаев
Аударған - Қ. Төлеуішов
Режиссер - Ж. Жұманбай
Шығыс Қазақстан облыстық Семей қаласы «Дариға-ай» жастар театрының гастролі
Ит пен жабайы аңдар арасындағы әңгімемен өрбитін аллегориялық қойылым. Адамға деген сенімнен, адалдықтан аттап көрмеген, тіпті, иесі жайлы жаман ойлаудан аулақ иттің басынан кешкен қиын күні суреттеледі. Тапжылмай күтіп, арып-ашып кеткен иттің жақсылығына адам баласы лайықты жауап қайтармауы көрерменді бей-жай қалдырмайды. Шығарма жақсылыққа жақсылықпен жауап беруді, адалдық пен достықты бағалауды үндейді.